22 Қыр 2023

Оңтүстік Кореядан келген дәрігерлер Жезқазғанда 500-ге жуық науқасты қабылдап, Жезқазған медициналық орталығының дәрігерлеріне тренинг өткізді

Кореяның физиотерапевтер қауымдастығының жетекші мамандары Жезқазғанда Халықаралық инновациялық өнеркәсіптік консорциум (R&IID ХИӨК), «Қазақмыс корпорациясы» ЖШС және «Severance-KZ» Халықаралық Медициналық Қоры» ҚҚ ұйымдастырған еріктілер бағдарламасы аясында 500-ге жуық науқасты қабылдады.

Image 2

Жеті күндік бағдарламаға Кореяның жетекші ауруханаларынан, соның ішінде Daejeon University және Mokpo National University ауруханаларынан 11 оңалту дәрігері қатысты. Бағдарлама аясында «Қазақмыс корпорациясы» ЖШС Жезқазған медициналық орталығының дәрігерлеріне педиатрия, кардиология, неврология және т.б. оңалтудың инновациялық әдістемелері бойынша дәрістер мен шеберлік сыныптары өткізілді. Сонымен қатар, 7 күн ішінде Сәтбаев пен Жезқазғаннан келген 455 науқас, оның ішінде 125 бала кеңес алып, емделді. Науқастардың арасында мүмкіндігі шектеулі - сал ауруы және ПДК (психологиялық дамуының кешігуі) диагнозы қойылған балалардың ата-аналары Кореядан келген жетекші профессорлардан бірегей кеңес ала алды.

Облыста оңалту қызметін дамыту халықтың денсаулығын сақтау және нығайту бойынша іске асырылып жатқан бағдарламаның міндеттерінің бірі болып табылады. R&IID ХИӨК, «Қазақмыс корпорациясы» ЖШС және «Severance-KZ» ҚҚ ынтымақтастығының арқасында өңірдегі қоғамдық денсаулық деңгейін арттыруға бағытталған еріктілердің екінші сапары өтті, емдеу барлық тілек білдірушілер үшін қолжетімді болды.

Image 2

- Біз «Қазақмыс» корпорациясымен ынтымақтастығымыз тау – кен өндіру саласын дамытуға бағытталған инновациялық технологияларды әзірлеу және енгізу жөніндегі ғылыми жұмысты ғана емес, сонымен қатар жергілікті қоғамдастықтардың өмір сүру деңгейін арттыру үшін бірлескен күш-жігермен әлеуметтік бағдарламаларды іске асыруға мүмкіндік беретініне қуаныштымыз, - деп түсіндірді Халықаралық инновациялық өнеркәсіптік консорциумның (R&IID ХИӨК) басқарушысы Алексей Ан.

Image 2

Халықаралық тәжірибе алмасу тәжірибесі медицина саласындағы дамудың тиімді құралы болып табылады. Жезқазған медициналық орталығының директоры және бас дәрігері Владимир Моторыкин Оңтүстік Корея делегациясының сапарының басты ерекшелігі практикалық білім мен тәжірибе алмасуға бағытталғанын атап өтті.

Image 2

- Біз әріптестермен осы бағдарламаның нәтижелерінен шабыт аламыз. Кореядан келген мамандар көрмелік практикалық жұмыстар мен түрлі оқыту практикаларын жүргізіп, омыртқа мен жүрек-қан тамырлары ауруларын емдеудің жаңа әдістерін қолдану тәжірибесін таныстырды, Оңтүстік Корея медицинасының озық медициналық технологиялары мен жетістіктері туралы айтып берді, сондай-ақ қазіргі заманғы корей стандарттары бойынша ауруханаларды салу және жобалау туралы ақпаратпен бөлісті. Тәжірибе алмасу және ынтымақтастық қазақстандықтарға көрсететін медициналық көмектің сапасын жақсартатыны сөзсіз. Бұл қоғамдық денсаулық сақтау игілігі үшін біздің жұмысымызды үнемі дамыту мен жетілдірудің жолы, – деп қосты орталық басшысы.

Image 2

Халықаралық инновациялық өнеркәсіптік консорциум (R&IID ХИӨК) мен «Қазақмыс корпорациясы» ЖШС арасындағы ынтымақтастық туралы Келісім шеңберінде жергілікті қоғамдастықты дамытуға және қолдауға бағытталған тұрақты бірлескен бағдарламалар көзделген. Бұдан басқа, келесі жылы Ұлытау және Шығыс Қазақстан облыстарында іс-шаралар жоспарланған.

Новости по теме

Новости по теме

19 Apr 2024

Әлеуметтік нысандарды қалпына келтіру жұмыстарына 40 млрд теңгеден астам қаражат бөлінеді

18 Apr 2024

Су тасқынынан зардап шеккен өңірлерге 20 тоннадан астам гуманитарлық көмек жіберілді

14 Apr 2024

«Қазақмыс» су басу аймақтарына арнайы ауыр техника жіберді

07 Apr 2024

Құрметті «Қазақмыс» Тобынын қызметкерлері!