02 Ақп 2024

ҚР ТЖМ Вице-министрі «Қазақмыс» өкілдерімен кеңес өткізді

2024 жылдың 1 ақпанында ҚР Төтенше жағдайлар вице-министрі Мереке Пішембаев жұмыс сапарымен Ұлытау облысына келді.

Жұмыс сапары барысында «Қазақмыс корпорациясы» ЖШС басшылығымен және бас мамандарымен техникалық кеңес өткізілді. Кеңесте Ұлытау облысы бойынша орналасқан жерасты кеніштерінің тау-кен қазбаларының геомеханикалық жай-күйі, сондай-ақ Қазақстан Республикасының өнеркәсіптік қауіпсіздік саласындағы нормативтік құқықтық актілердің сақталуы бойынша жер асты бос кеңістіктерін бақылауда ұстау бойынша бірқатар мәселелер талқыланды.

Кеңесті қорытындылай келе, ТЖМ вице-министрі «Қазақмыс корпорациясы» ЖШС басшылығына және Ұлытау облысы бойынша өнеркәсіптік қауіпсіздік комитеті департаментінің басшылығына өнеркәсіптік қауіпсіздік және нормативтік құқықтық актілер саласындағы талаптарды сақтауды тапсырды.