07 Мау 2023

«Kazakhmys Barlau» Ұлытау облысында геологиялық сессия ұйымдастырды

Оған геология ардагерлері мен жетекші мамандар қатысты. Сессия қонақтары Қазақмыс Корпорациясының минералды-шикізаттық базасымен танысып, Шығыс-Жезқазған кенішінің шахтасына түсті.

Image 2

Өндірістік алаңдарда олар дала жұмыстарын жүргізуге арналған

заманауи технологиялармен танысты. Бұл сессия геологтар үшін ағымдағы және келешектегі жобаларды талқылап, өз тәжірибелерімен алмасу үшін таптырмас мүмкіндік болды.

Жиын барысында мамардар Kazakhmys Barlau-дың еліміздің геологиялық саласына кен орындарын зерттеу арқылы қосып жатқан үлесі мен материалдық қолдауының зор екендігін атап өтті.

Image 2

Сессия қатысушылары сондай-ақ геологиялық барлау жұмыстарының түрлі аспектілерін талқылап, оның ішінде сәтті жобаларды атап, қатерлер мен даму перспективаларын ортаға салды. Осы индустрияны дамыту үшін замануи технологияларды пайдаланып, кадрларды дайындаудың маңыздылығы да аталды.

Жас мамандар тәжірибелі, білікті геологтардан өз сұрақтарына жауаптар мен кеңестер алды.

Image 2

ҚР еңбегі сіңген геологы Олжабай Исмаиловтың өз сөзінде «Біз өзара әңгімелескен кезде, пайдалы қазбалар кеніштерін тауып, оның тереңдегі құрылымын анықтау үшін «Kazakhmys Barlau» компаниясында барлық құралдар бар: ол заманауи геофизикалық тәсілдер мен сапалы геологиялық зерттеулер. Біз осы жерде жаңа кен орындары ашылатынына 100% сенімдіміз. Сіздерге сәттілік тілейміз!», - деді.

Image 2

Бұл сапар барысында геологтар мен ардагерлер Ұлытау облысының киелі жерлерін де аралады. Оның ішінде Жошы-хан, Алаша-хан, Домбауыл батыр, Дүзен мен Ерден Сандыбайұлдарының кесенелері және Үш жүздің басы қосылған тарихи қасиетті жер – Хан Ордасы бар.

Image 2

Сессия соңында геология ардагерлері компанияның жоғарғы деңгейін атап өтіп, «Kazakhmys Barlau» қызметкерлерінің кәсібилігін бағалады. Ал мұндай танымдық, тиімді сапарларды жиірек өткізіп тұруды ұсынды.

Новости по теме

Новости по теме

15 Jan 2025

Сәтбаевта жаңартылған «Ақбота» балабақшасы ашылды

11 Jan 2025

«Қазақмыс» компаниясы өз қызметкерлерін қолдауға және оларды баспанамен қамтамасыз етуге бағытталған корпоративтік бастамасын 2025 жылы да жалғастыратынын қуанышпен хабарлайды.

20 Dec 2024

«Қазақмыс» корпорациясы мен жұмысшылар арасындағы келіссөздердің қорытындысы

20 Dec 2024

Жұмысшылардың үндеуіне қатысты мәлімдеме

20 Dec 2024

Шатыркөл кенішінде штаттық режимдегі жұмысы қайта қалпына келтірілді

19 Dec 2024

Келіссөздерден кейін кеніштер мен зауыттағы жұмыс қалпына келтірілді