11 Қар 2024

Басқарма Төрағасы Нұрахмет Нуриев Satbayev University-ді 90 жылдығымен құттықтады

Бүгін Қ.И.Сәтбаев атындағы ҚазҰТЗУ 90 жылдығын атап өтуде. Алматыда мерейтой аясында Қаныш Сәтбаевтың туғанына 125 жыл толуына арналған форум өтіп жатыр.

Бұл форумға «Қазақмыс» корпорациясы» ЖШС Басқармасының төрағасы Нұрахмет Нуриев қатысты. Ол университетке академик Қ.И.Сәтбаев жұмыс істеген Ұлытау-Жезқазған өңірінен өндірілген минералдарды сыйға тартты.

Өзінің құттықтау сөзінде ол Satbayev University Қазақстанның тау-кен металлургия кешені үшін мамандар даярлайтын жетекші орталық екенін атап өтті. Бір ғасырға жуық тарихында университет мыңдаған жоғары білікті инженерлерді, ғалымдар мен зерттеушілерді дайындап шығарып, ғылыми және технологиялық жетістіктердің символына айналды.

«Қазақмыс университетпен көпжылдық ынтымақтастығын мақтан тұтады. Біздің кәсіпорындарда Satbayev University ғалымдарының әзірлемелерін қолдану өндірістің тиімділігін арттыруға, экологиялық әсерді азайтуға және қауіпсіздікті нығайтуға мүмкіндік береді», – деп атап өтіп, бұған бірлескен ғылыми-зерттеу және тәжірибелік-конструкторлық жобалар корпорациның тұрақты дамуға қол жеткізуіне көмектесетінін де айтты.

Қазақмыс пен Satbayev University ғылыми ынтымақтастығының жарқын мысалдарының бірі – будың сүзілу әдісін қолдана отырып, тазартылмаған селенді тазартудың вакуум-дистилляциялық технологиясы қолданылатын селенді тазарту және қожды қайта өңдеу цехын салу жөніндегі жоба. Жоба Балқаш қаласындағы өндірістік алаңда іске қосылды және қазіргі уақытта табысты іске асырылуда.

Сондай-ақ, шара аясында ұлттық геология мектебінің негізін қалаушы және Қазақстан Ғылым Академиясының тұңғыш Президенті Қаныш Имантайұлы Сәтбаевтың ескерткішіне гүл шоқтарын қою рәсімі өтті. Биыл еліміз ұлы ғалымның туғанына 125 жыл толуын атап өтуде.

Бұдан басқа, мерейтойлық жыл Satbayev University үшін тау-кен металлургия кешенінің жаңа инжинирингтік орталығының ашылуымен атап өтілді. Онда цифрлық модельдеу, геомеханика, экологиялық мониторинг және пайдалы қазбаларды байыту сияқты негізгі бағыттар бойынша заманауи зертханалар ашылды. Бұл зертханалар кен өндіру және қайта өңдеу процестерін жақсартатын, қоршаған ортаны қорғау үшін экологиялық мониторингті қамтамасыз ететін және өндірістің тұрақтылығы мен қауіпсіздігін арттыратын жаңа технологияларды әзірлеуге мүмкіндік береді.

Қазақмыс инжинирингтік орталық технологиялық дамудың флагманы болатынына және Қазақстанның өнеркәсіптік ілгерілеуінің қозғаушы күші болатын жаңа жоғары білікті мамандарды даярлауға негіз болатынына сенімді.