14 Ақп 2024

«ҚАЗАҚМЫС КОРПОРАЦИЯСЫ» ЖШС ПРОФИЛАКТИКАЛЫҚ ЖҰМЫСТАР ЖҮРГІЗУДЕ

Сәтбаев қаласындағы жер сілкінісі туралы кейбір БАҚ-та жарияланған ақпарат шындыққа жанаспайды. Бұл ауданда «Қазақмыс Корпорациясы» ЖШС қазылған кен орындары аймағында бақыланатын тау жыныстарын реттеу жұмыстарын жүргізуде. Бұл- Оңтүстік Жезқазған кенішінің №65 шахтасының аумағы. Бақыланбайтын жер асты бос кеңістіктріне құлаулардың алдын алу үшін бос жерлерді жүйелі түрде тексеріп жасанды құлату жұмыстары жүргізіледі.

Компанияның геомеханикалық қызметі хабарлағандай, бұл аумақта тау-кен жұмыстары жүргізілмейді. 1982 жылдан бері құлаған аумақтар, үйінділермен оқшауланған. Бұл аумақта ғимарат, құрылыс немесе коммуникация жоқ.

Іргелес аумақтардағы тау-кен жұмыстары геомеханикалық жағдай тұрақталғанша жүргізілмейді. Компания мамандары бұл аумақты бақылауды жалғастыруда. Жер асты бос кеңістіктеріне жүйелі түрде құлату нәтижесінде зардап шеккендер жоқ. Сіздерді тек ресми ақпарат көздеріне сенуге шақырамыз.