24 Қаз 2023

«Қазақмыстың» параспортшысы Қазақстан Республикасы Президентінің қолынан мемлекеттік сыйлық алды

Қазақмыстың IT маманы, параспортшы Айсұлу Сүлейменова спорттағы жетістіктері үшін мемлекеттік «Шапағат» медалімен марапатталды.

Image 2

Республика күнін атап өту қарсаңында Президент Қасым-Жомарт Тоқаевтың жарлығымен еліміздің әлеуметтік-экономикалық, мәдени және рухани дамуына зор үлес қосқан қазақстандықтар марапатталды. Марапатталғандар қатарында жеңіл атлетикадан республикалық жарыстардың бірнеше дүркін чемпионы Айсұлу Сүлейменовада бар.

Айсұлу Сүлейменова «Қазақмыс корпорациясы» ЖШС цифрландыру қызметінің жетекші инженері болып қызмет атқарады. Оның өр мінезі мен жеңіске деген ұмтылысы көпшілікке үлгі болып келеді. Айсұлу волейболды отырып ойнаудан қыздар ұлттық командасының тұрақты мүшесі. Ол 2023 жылы Азия чемпионатында ел намысын қорғады.

Image 2

Үстіміздегі жылдың мамыр айында Айсұлу Сүлейменова жеңіл атлетикадан ҚР VІ жазғы Паралимпиада ойындарына алғаш рет қатысып, спорт шебері кандидатының нормативін орындап, 1 орынға ие болды. Қазір ол жеңіл атлетикадан Халықаралық паралимпиада ойындарына дайындалуда.

Айсұлу Сүлейменованы лайықты марапатымен құттықтаймыз және одан әрі спорттық және жеке жеңістер тілейміз!

Новости по теме

Новости по теме

19 Apr 2024

Әлеуметтік нысандарды қалпына келтіру жұмыстарына 40 млрд теңгеден астам қаражат бөлінеді

18 Apr 2024

Су тасқынынан зардап шеккен өңірлерге 20 тоннадан астам гуманитарлық көмек жіберілді

14 Apr 2024

«Қазақмыс» су басу аймақтарына арнайы ауыр техника жіберді

07 Apr 2024

Құрметті «Қазақмыс» Тобынын қызметкерлері!