22 Нау 2024

«Қазақмыс» Наурызды қарсы алды

Бүгін көктемнің мерекелік күнінде, жақсы дәстүр бойынша, Қарағанды қалалық саябағында демалушылар үшін «Қазақмыс» киіз үйі есігін айқара ашты. Ауа-райы да Қарағандылықтарға күн шуағымен жылуын төкті. Наурыз мерекесіне орай саябаққа жиналғандар көп болды.

Мереке қонақтарына киіз үйдің мерекелік безендірілуі ерекше ұнады. Мәдени іс-шараға қосылғандар саны арта түсті. Киіз үйге кіре берісте мерекелік наурыз көже, тәтті сыйлықтар мен бауырсақтар, бөтелкелерге құйылған көжелер таратылды.

Барлық жастағы ұл-қыздар қол күресі және екі гір тасын көтеруде күш-жігерін байқатты. Біраз уақыттан кейін арқан тарту жарысы басталды. Барлық жеңімпаздар компания логотипі бар арнайы сыйлықтармен марапатталды.