27 Мам 2024
Жезқазғанда геомеханика бойынша бірінші халықаралық конференция өтті
Әлемдегі ең ірі кен орындарының бірі Жезқазған жерінде, Жезқазған кен орнын игеру мәселелеріне арналған геомеханика бойынша алғашқы халықаралық ғылыми-практикалық конференция өтті.
Конференция жұмысына Ресей мен Қазақстаннан 60-тан астам ғалымдар мен мамандар, Ұлытау облысы бойынша ТЖМ өнеркәсіптік қауіпсіздік департаментінің басшысы Кеңгірбай Есенеев және мемлекеттік органның басқа да өкілдері қатысты.
Конференцияның мақсаты геомеханиканың заманауи әдістерін талқылау және Қазақмыс кеніштерінің одан әрі жұмыс істеуі мен дамуы бойынша стратегия әзірлеу болды.
- Біз бірінші кезекте қызметкерлеріміздің қауіпсіздігн ескереміз тек екінші орында экономиканы қарастырамыз. Өйткені, егер біз қауіпсіз жағдайда жұмыс істемесек, бізді ешқандай экономика ақтамайды. Конференцияға қатысқаныңыз үшін қатысқандардың барлығына ризамын және мұндай кездесулерді белгілі бір уақыт аралығында жалғастырамыз деп сенемін, - деді техника ғылымдарының кандидаты, «Kazakhmys Holding» ЖШС директорлар Кеңесі төрағасының бірінші орынбасары Андрей Гайдин.
Ағымдағы жылдың 22-24 мамыр аралығында конференцияға қатысушылар 30-дан астам баяндаманы тыңдап, Жезқазған алаңының, Жомарт және Жыланды кеніштерінің геомеханикалық жағдайымен танысты.
Сондай-ақ, конференция барысында қатысушылар №57 шахтаның бірегей сейсмикалық станциясының жұмысын көрді. Айта кетерлігі, Қазақстанның тау-кен өндіруші компаниялары арасында тек Қазақмыс өз сейсмостанциясына ие. Объектімен танысқаннан кейін конференцияға қатысушылар станцияны жақсарту бойынша ұсыныстарын білдірді.
Конференция қорытындысы бойынша геомеханикалық тәуекелдерді азайту және кеніштердегі тау-кен жұмыстарының қауіпсіздігі мен тиімділігін арттыру жөніндегі іс-шаралар жоспары әзірленді. Жезқазған кен орнының жағдайына қатысты геомеханика әдістерін жетілдіру бойынша ұсыныстар тұжырымдалған.
- Қазақмыс корпорациясы әлеуметтік бағдарланған компания бола отырып, өз өңіріне алаңдаушылықпен қарап, оның дамуын жалғастыруда. Компания геологиялық барлауға белсенді түрде инвестиция салуды жалғастыруда, соңғы 3 жылда шамамен 75 миллион долларды құрап отыр. Компания өз зауыттарын жаңартуды жалғастыруда. Сонымен қатар, компания өндірістері бар өңірлерде, негізінен Ұлытау облысында жалпы сомасы 50 миллион долларға жуық 46 жобаны іске асыруға Меморандумға қол қойды, - деп атап өтті «Қазақмыс корпорациясы» ЖШС Басқарма Төрағасы Нұрахмет Нұриев.
Конференция Қазақстанның тау-кен өндірсі секторын дамыту үшін маңызды оқиға болды. Бұл Қазақмыстың кен өндіруге инновациялық тәсілдерді енгізуге және өз қызметкерлерінің қауіпсіздігін қамтамасыз етуге ұмтылысын көрсетті.
Қазақмыс басшылығы осындай конференцияларды тұрақты негізде өткізуді жоспарлауда.
- Жезқазған кен орны ғылыми-зерттеу жұмыстарын жүргізу, жаңа технологияларды, жабдықтарды, материалдарды тәжірибелік және өнеркәсіптік сынақтан өткізу үшін тамаша алаң. Біз ашықпыз, бүкіл әлемде қабылданған прогрессивті тәсілдерді ілгерілету үшін біздің кен орындарымызда осы мүмкіндіктердің барлығын ұсынуға дайынбыз. Біздің басты мақсатымыз-жұмыс орындарындағы жұмысшыларымыздың қауіпсіздігі және жер қойнауын тиімді пайдалану, - деп қорытындылады «Қазақмыс корпорациясы» ЖШС Бас директоры Олег Копытов.
«Жезқазған өңірі кеніштерінің геомеханикалық жағдайын қарау және талқылау» конференциясы Жезқазған кен орнын қауіпсіз әрі тиімді дамытуға жасалған маңызды қадам болды.
