28 Ақп 2025

Қазақмыс қаза тапқан кеншілердің отбасына 10 жылдық жалақыларын аударды

Қазақмыс корпорациясы компания мен кәсіподақ ұйымдары арасындағы Ұжымдық шартқа сәйкес өз міндеттемесін орындау аясында қаза тапқан кеншілердің отбасына қолдау көрсетуді жалғастыруда.

Қаржылай көмек:

• Барлық отбасыға 10 жылдық жалақы мөлшерінде өтемақы төленді.

• Бұған дейін жерлеу рәсіміне 550 АЕК көлемінде қаржы бөлінді.

• «KM Life» өмірді сақтандыру компаниясы» АҚ әр отбасыға 100 АЕК төледі.

Қосымша қолдау шаралары:

Компания қосымша көмек көрсету үшін келесі шараларды қарастыруда:

• Отбасының тұрғын үй жағдайын жақсарту.

• Өндірісте қаза болғандардың балаларының оқу ақысын төлеу.

• Туыстарын жұмысқа орналастыру.

• Несиелерін өтеу және басқа да әлеуметтік қолдау шаралары.

Еске алу шаралары:

27 ақпанда «Казақмыс» корпорациясының барлық өндірістік алаңдары мен кәсіпорындарында қаза болған кеншілердің рухына бағышталып ас берілді.