06 Мау 2023

Kazakhmys Barlau халықаралық ынтымақтастық географиясын кеңейтеді: AMM нәтижелері

XIII Халықаралық тау-кен металлургиялық конгресі ASTANA MINING & METALLURGY Kazakhmys Barlau үшін өте жемісті болды. Компания әлеуетті шетелдік серіктестермен бірқатар екіжақты кездесулер өткізіп, олармен тәжірибе, жаңа технологиялармен алмасты.

Image 2

АММ қарсаңында әлеуетті серіктес компаниялардың өкілдері Kazakhmys Barlau нысандарын аралады. Мәселен, First Quantum Minerals компаниясының бизнесті дамыту жөніндегі менеджерлері геологиялық кластер мен Жезқазған кен орнында болды. Канададан келген қонақтар құрылыстың барысымен, мақсатымен, сондай-ақ геологиялық инфрақұрылымды одан әрі дамыту перспективаларымен танысты, сондай-ақ Жезқазған учаскесінде болып, Kazakhmys Barlau компаниясының бұрғылау жұмыстарын көрді, тіпті Оңтүстік-Жезқазған кенішінің шахтасына түсті.

Ал осы ретте австралиялық-британдық Rio Tinto концернінің (әлемдегі үшінші ірі трансұлттық тау-кен металлургиялық компаниясы) қызметкерлері Ұлытау өңіріндегі Жезқазған және Жыланды топтық кен орындарына барды.

Тәжірибе алмасу аясында Kazakhmys Barlau геологтары шетелдік әріптестерін ашық тау кеніштеріне шақырды. Қонақтар Жыланды кен орнының құрамына кіретін Шығыс Сарыоба карьерінде болды. Шетелдік геологтар дала геологтарымен әкімшілік-абаттандыру комбинатының заманауи ғимаратында кездесті.

Kazakhmys Barlau өкілдерінің айтуынша, халықаралық ынтымақтастық – компанияның стратегиялық бағыттарының бірі.

Image 2

Kazakhmys Barlau компаниясының конгресске қатысу аясында алдына қойған міндеттерінің бірі Қазақстанды геологиялық барлауға инвестиция тарту болды. Компанияның бас директоры Ғалым Нұржанов атап өткендей, мемлекет басшысы Қасым-Жомарт Тоқаев та осы саланың инвестициялық тартымдылығын арттыруға ерекше көңіл бөлуде.

«Біз еліміздің тұрақты өсуі мен дамуын қамтамасыз ету үшін, сондай-ақ болашақ ұрпақ үшін табиғи ресурстарымызды сақтау үшін озық технологияларды пайдалана отырып және жаһандық компаниялармен ынтымақтаса отырып, осы бағытта жұмысты жалғастырамыз», - деді Ғалым Нұржанов.

Осы мақсатта Ғалым Нұржанов әлемдегі ірі компаниялардың өкілдерімен кездесті. Солардың бірі – канадалық тау-кен өндіруші Teck Resources компаниясының вице-президенті Стюарт МакКраккен Kazakhmys Barlau компаниясымен геологиялық барлау, кен орындарын игеру және тау-кен металлургия саласындағы жобаларды жүзеге асыру саласында әріптестік орнатуға дайын екенін жеткізді. Тараптар сондай-ақ Teck Resources компаниясының Қазақстанда мыс өндіру бойынша ірі жобаларды жүзеге асыруға қатысу мүмкіндігін талқылады.

Тағы бір канадалық тау-кен өндіруші компания B2Gold Corporation да Kazakhmys Barlau -мен ынтымақтасуға ниет білдірді. Өз кезегінде Ғалым Нұржанов Қазақстанда жаңа алтын кен орындарын ашудың келешегі зор екенін атап өтті.

Сонымен қатар француздық Dassault Systemes компаниясының басшылығымен кездесу өтті. Тау-кен өнеркәсібіндегі әртүрлі мәселені шешуге арналған бағдарламалық өнімдерді әзірлеушілер геология және тау-кен ісі саласындағы бағдарламалық және консалтингтік қызметтерін ұсынды.

Сондай-ақ OneWeb халықаралық спутниктік байланыс компаниясының өкілдерімен кездесу өтті. Келіссөздер барысында Ғалым Нұржанов компанияның цифрландырудағы даму болашағы туралы айтты. OneWeb-тің жаңа мүмкіндіктеріне ерекше көңіл бөлінді, төмен орбиталық спутниктік шоқжұлдыздан сигнал алу байланыс тұрақтылығын қамтамасыз етеді. Бұл қашықтағы нысандарды байланыспен қамтамасыз етеді.

Image 2

Келіссөздер нәтижесінде тараптар Kazakhmys Barlau компаниясының пилоттық жобасын іске қосу туралы келісімге келді. Осы пилоттық жоба аясында OneWeb халықаралық спутниктік байланыс компаниясы Диспетчерлік орталық пен Kazakhmys Barlau-дың шалғайдағы учаскелері арасындағы байланыс арнасын сынақтан өткізеді. Бұл учаскелердегі жұмыс тиімділігін арттырып, ғылыми мәселелерді шешуге мүмкіндік береді. Барлық учаскедегі байланыс бірден ауыр геологиялық материалдарды, бағдарламалар мен деректерді жібере отырып, барлық жұмысты бақылауға мүмкіндік береді. Сонымен қатар, Kazakhmys Barlau компаниясы төтенше жағдайларға дер кезінде ден қойып, жұмысты 24/7, 365 күн бойы үйлестіре алады. Осының барлығы геологиялық саланың дамуына тың серпін береді.

Ғалым Нұржановтың айтуынша, Kazakhmys Barlau геологиялық барлауды енгізу кезінде бизнес-процестерді құрылымдау мен оңтайландыруға көмектесетін жаңа технологиялар мен құралдарды пайдалануға мүдделі.

Kazakhmys Barlau компаниясының бас геологы Павел Ниценко «Қазақмыстың» минералдық-шикізат базасын толықтыру үшін заманауи геологиялық зерттеу технологияларын пайдалану мәселелеріне арналған сессияға қатысты. Баяндамашы атап өткендей, барлау тәжірибесінде инновациялық тәсілдерді қолдану Kazakhmys Barlau компаниясына іздеу-барлау жұмыстарының тиімділігін айтарлықтай арттыруға мүмкіндік берді.

«Kazakhmys Barlau компаниясы «Қазақмыс» корпорациясының және жалпы Қазақстан республикасының минерал-шикізат базасын толықтыруға және ұлғайтуға бағытталған өндірістік қызметі барысында геологиялық барлаудың ең тиімді жаһандық тәсілдерін пайдалануды жалғастыруды жоспарлап отыр», - деп атап өтті Павел Ниценко.

МИА «Казинформ»

Новости по теме

Новости по теме

19 Apr 2024

Әлеуметтік нысандарды қалпына келтіру жұмыстарына 40 млрд теңгеден астам қаражат бөлінеді

18 Apr 2024

Су тасқынынан зардап шеккен өңірлерге 20 тоннадан астам гуманитарлық көмек жіберілді

14 Apr 2024

«Қазақмыс» су басу аймақтарына арнайы ауыр техника жіберді

07 Apr 2024

Құрметті «Қазақмыс» Тобынын қызметкерлері!