18 Сәу 2024

Су тасқынынан зардап шеккен өңірлерге 20 тоннадан астам гуманитарлық көмек жіберілді

Қазақмыс компаниялар тобы Қостанай, Ақтөбе және Атырау облыстарына жалпы салмағы 20 тоннадан асатын азық-түлік, киім-кешек, қажетті заттар, құрылыс техникасы мен құралдарын жіберді.

Гуманитарлық көмекті Қарағанды мен Ұлытау облысыныңдағы компания қызметкерлері жинады.

Аптаның басында Қазақмыстың 14 арнайы техникасы су тасқынынан ең көп зардап шеккен жерлерге жіберілген болатын. Қазіргі уақытта техникалар Батыс Қазақстан облысында көмектесуде.

Бұған дейін KAZ Minerals Тобы мен "Қазақмыс Корпорациясы" ЖШС су тасқынынан зардап шеккендерге көмек көрсету және Қазақстанның бірқатар өңірлерінде табиғи апаттың салдарын жою үшін 800 миллион теңге бөлген болатын.