17 Шіл 2023

Қарсақпай қызметкерлеріне құрметті марапаттар!

Металлургтер күніне орай Қарсақпай зауытының «Қазақмыс» кәсіпорнының қызметкерлері Құрметті наградалармен марапатталды.

ІІІ дәрежелі «Еңбек даңқы» төсбелгісімен Ғабит Ермағанбетов, «кәсіподақтың Құрметті қайраткері» белгісімен – Елубай Наурызбаев, «Еңбек озаты» төсбелгісімен – Серік Түлкібаев, Бақтияр Аңсағаев, Оразай Жанаділов марапатталды. Сондай-ақ, зауыт қызметкерлері Ұлытау ауданы әкімінің алғыс хаттарымен және кәсіподақ грамоталарымен марапатталды.

Айта кетейік, қазіргі таңда 10 цехтан тұратын Қарсақпай зауытында 150 адам жұмыс істейді. Кәсіпорынның өнімділігі жылына 300 мың тонна кенді құрайды. Қазіргі уақытта Қарсақпай зауыты халықты ауыз сумен, жылумен және электр энергиясымен қамтамасыз ете отырып, кенттің барлық инфрақұрылымын қамтиды.