07 Жел 2022

«Қазақмыс Корпорация» ЖШС сапаны дамыту Департаментінің сапа саласындағы Саясаты мен мақсаты

«Қазақмыс» Тобы - негізгі активтері кен өндіру саласы мен түсті металлургияда шоғырланған сатылас ықпалдастырылған холдинг. «Қазақмыс» кәсіпорындары - кеніштер, байыту фабрикалары, мыс балқыту зауыттары - үш өндірістік алаңда (Балқаш, Жезқазған, Қарағанды) орналасқан.

Сапаны дамыту Департаменті – сапа менеджменті жүйесін енгізу, кәсіпорынның құрылымдық бөлімшелеріндегі бизнес-процестерді қолдаудың және табысты дамытудың ең маңызды шарты болып табылатын, өндірілетін өнімнің қолданыстағы стандарттары мен талаптарына сәйкестігі бойынша әдістемені, нормативтік-техникалық құжаттаманы жаңартуды, сапаны бақылау процестерін жақсарту бойынша жаңа жобаларды бастауды қамтамасыз ететін «Қазақмыс Корпорациясы» ЖШС құрылымдық бөлімшесі болып табылады.

Мақсаты – халықаралық стандарттарға және озық әлемдік тәжірибеге сай қолданыстағы металды есепке алу жүйесін компанияның өндірістік бөлімшелерімен бірлесе жетілдіру.

Басты мәселе – сапаны дамыту Департаментінің бекітілен Стратегиясын жүзеге асыру.

Сапаны дамыту Департаменті қойылған мақсаттарға жету үшін келесі принциптермен нұсқауланады:

1. басшылықтың жауапкершілігі мен көшбасшылығы;

2. сапаны дамыту Департаментінің жұмыскерлерін еңбек қауіпсіздігімен қамтамасыз ету және қамқорлық көрсету;

3. сенімге негізделген компанияның барлық құрылымдық бөлімшелерімен өзара тиімді қарым-қатынаста жұмыс істеуі;

4. сапаны дамыту Департаментінің жұмысын үздіксіз жақсарту процесстеріне жұмыскерлерінің белсенді қатысуы;

5. сыбайлас жемқорлыққа шыдамсыздық;

6. әлемдік стандарттар мен озық тәжірибелерге сәйкес енгізілген жүйелердің қажеттілік, барабарлық тұрғысынан және нәтижелік тұрғысынан тұрақты жақсарту.

Сапаны дамыту Департаментінің басшылығы сапа саласындағы Саясат пен мақсаттың жүзеге асырылуына міндетті және жауапты.